Informasaun husi Provinsial

Rev. Amu Diretor, Enkarregadu Komunidade no maluk salezianu sira hotuHo respeitu tomak!Ha’u hakarak informa mós katak irmaun Adriano sei bá Roma, iha Outubru loron 12 to’o 17, tuir enkontru ho konsellu jerál fórmasaun nian hodi halo preparasaun ba kongresu irmaun sira-nian iha 2018. Padre Gui da Silva no padre Apolinário Neto sei bá Jakarta iha Novembru loron 3 to’o 6 atu halo enkontru hamutuk ho Delegadu no ekonomu delegado nian. Padre José de Sá (delegadu Komunikasaun Sosiál) no Padre João da Costa (delegadu pastorál Juvenil) sei tuir enkontru iha Vietnam, iha Novembru loron 11 to’o14.  Padre Manuel Pinto, Padre Yosef Ola nudar delegadu formasaun ho Pe. Lino Belo representa Provincial ITM sei bá tuir enkontru iha Myamar, iha Novembru loron 13 to’o 15. Padre Tomas Carvalho no Padre Adie sei tuir formasaun diretór pre-novísiu sira-nian iha Cebu-Filipina, iha fulan Novembro loron 15 to’o 27. Padre João da Costa nu’udár delegadu pastorál juvenil sei bá Madrid, iha Novembru loron 27 to’o Dezembru loron 2, atu tuir Kongresu mundiál kona-ba Família no Pastorál Juvenil nian. Pe. Apolinário Neto sei bá Australia iha fulan Novembro loron 27 to’o Dezembru loron 4, hodi tuir ordenasaun diakonál cl. Abílio no cl. Lourenço nian no mós tuir enkontru hamutuk ho Provinsiál AUL no nia conselleiru sira.Hamutuk nu’udár maun-alin, ita nafatin fó obrigado ba Maromak nia laran luak no domin bo’ot ba vokasaun uain iha kreda no liu-liu iha ita-nia Kongregasaun. Ita fó sasin ho kbi’it ita-nia moris relijiozu nian iha ordenasaun amu-lulik, renovasaun no profisaun relijiozu nian ba dala-uluk. Mai kontinua ita-nia fórmasaun iha Komunidade ida-idak ho prezsensa irmaun ida-idak, hodi hala’o misaun Don Bosco nian iha sarani no foin-sae sira ne’ebé Na’i entrega mai ita-nia liman.Fr. Apolinário Maria Ornai  Neto, sdb-Provinsial