Informasaun husi Provinsial

Rev. Amu Diretór, Enkarregadu Komunidade no maluk salezianu sira hotu

Ho respeitu tomak,
 Liuhusi surat ida ne’e, ha’u hakarak fahe informasaun ruma kona-ba ita-nia maluk salezianu sira ne’ebé estuda hela iha Provincia seluk. Iha Filipina, ita-nia maluk salezianu sira ne’ebé estuda Teolojia hamutuk 13.  Fulan Agostu liuba ne’e, padre Lino Belo ho ha’u tuir enkontru Kuratórium iha Manila hodi aproveita halo enkontru mós ho sira. Normalmente ita-nia maluk salezianu sira tau sira-nia an didi’ak iha formasaun teolojia, umana, pastorál no saleziana. Sira na’in-hitu husi Timór no na’in-ne’en husi Indonézia. Sira ne’ebé quarto-ano maka: Dc. Yulius  Dadang, Dc. Adventus Fransiskus, Dc. Jolino Vieira, cl. Gercio Amaral, cl.  Olívio da Costa, cl. Albino Fernandez. Diákonu na’in-tolu ne’e maka sei fila uluk mai ITM iha  fulan Abril 2018. Sira ne’ebé terceiro-ano maka: cl. Victor da Cunha, cl. Marizoni Noronha, cl. Ignatius Harianto, cl. Marcelinus Tanggu. Sira ne’ebé Segundo-ano maka: cl. Ferdinandus Amang, cl. Viktorius Koten no primeiro-ano maka: cl. António Guterres. Iha mós padre José da Costa halo hela estudu iha área “Vida Consagrada”, padre Ilidio Correia halo hela estudu iha área “Lei Canonica”, irmaun Helder Guterres halo hela estudu iha área “Edukasaun téknika enjeñaria” no irmaun Bernardinus Mei halo hela estudu iha área “vida relijioza”.Iha  fulan Setembru liu-ba ne’e, ha’u halo vizita breve ba Portugal, hodi hasoru malu ho maluk salezianu sira ne’ebé halo estudu no esperiénsia pastorál iha ne’ebá. Sira ne’ebé estuda teolojia hamutuk na’in ne’en. Quarto-ano maka: cl. Salvador Mauhudo no cl. Casimiro Morais. Sira na’in-rua sei simu ordenasaun diakonál nian iha fulan Abril 2018 iha Portugal. Terceiro-ano maka: cl. Fernão Ximenes no cl. Celestino da Costa. Primeiro-ano maka: cl. Gregório Correia no cl. Rafael Bonaparte. Sira ne’e hela iha Komunidade Evora no superior sira tau aas tebes sira nia formasaun integrado. Sira ne’ebé halo esperiénsia pastorál maka: cl. Jaime Ataide iha Komunidade Poiares no cl. Samora Marcel iha Komunidade Mirandela. Ita-nia irmaun sira ne’ebé halo estudu no esperiénsia pastorál iha Portugal ne’e, tuir protocolo Provincia  POR no ITM ne’ebé estabelese iha tinan 2012. Iha mós padre Domingos Caetano ne’ebé halo hela estudu iha área “Administrasaun no Jestaun Eskolár” hela iha Lisboa no tulun mós iha Parókia. Ha’u mós hola oportunidade ne’e bá to’o mós iha El Campello halo vizita badak ba Don José Carbonell. Nia hato’o kumprimentus ba hotu-hotu no nafatin reza mai ita ida-idak atu fiel nafatin ba vokasaun saleziana nu’udár relijiozu amu-lulik ka irmaun, sai bibi-atan di’ak hodi serbí Maromak nia povo liuliu ba foin-sae sira.Informasaun seluk: Iha Australia, ita iha cl. Abílio Guterres no cl. Lourenço Neves. Sira na’in-rua iha quarto-ano teolojia ne’ebé prepara-án daudaun atu simu ordenasaun diakonál nian iha Australia, loron 2 Dezembru 2017. Iha Roma, ita iha Dc. Cesar da Costa halo hela estudu iha área “akompañamentu  Juvenil”, Padre Agung Herybertus no Padre Plácido Freitas, sira na’in-rua hala’o hela “Doutoramentu ba Filozofia”. Padre Peturs Tukan halo hela estudu iha área “Komunikasaun Sosiál” no Padre Paulus Anggara halo hela estudu iha área “Pastorál Juvenil”. Padre Gil Florentino dos Santos hala’o hela “Doutoramentu ba Filozofia’ iha Belgium. Iha mós irmaun Amilcar da Silva, ne’ebé halo hela estudu ba “programa Computador” iha India.Mai ita hanoin ita-nia maluk salezianu sira ne’ebé iha formasaun inisiál no sira ne’ebé prepara sira nia an ba ministério atu sai nu’udár bibi-atan di’ak ba Maromak nia povu no foin-sae sira ho karizma Saun João Bosco iha tempu ohin-loron no iha futuru.